عبير النهاية

مرحباً بالحبايب من كل الاماكن بالعالم 

"كُتِب اسمي على ابواب الحياة 'مصطفى' لأعيش ايامي في أروقة النجف" قاصداً نحو المجد لعل الزمان يذكرني يوماً

بداية أعرفكم اكثر عن نفسي..

(مصطفى الكعبي) عمري 23 عام, خريج من كلية التقنيات الصحية والطبية-تقنيات التحليلات المرضية الا فاينل (مرحلة رابعة)

ــــــــــــــــــــــــــــــــــــــــــــــــــــــــــــــــ...

شاركت بتحدي الـ29 يوم (مرتضى التميمي) تصميم وتطوير المواقع الالكترونية..

طبعاً أطمح أن أكمل طريقي في تصميم وتطوير المواقع الالكترونية الي هو حيكون شغلي بالايام الجاية. احجيلكم شويه عن منجزاتي خلال هالسنة.. اكملت  كورس مع شهادة مشاركة واتقان في مجال التصوير والتوثيق الفيديوي من مؤسسة (Qaf Lab)،

انجزت اعمال تطوعية مع جمعية الهلال الأحمر العراقي ضد الجائحة.

ـــــــــــــــــــــــــــــــــــــــــــــــــــــــــــــــــ...

احلى ايام كانت ايام التحدي صراحة تعرفت على شباب وبنات روعة كل واحد بينا يحب يساعد الثاني باي شي يكَدر عليه (كل الشكر الهم), وكت ماتحس انو الوقت اثمن شي بالحياة ولازم تستغل كل دقيقة تمر عليك لازم متضيعها بلاش بدون عمل او اكتساب مهارة او خبرة بمجال معين.

احجيلكم عن مشاركتي  بالتحدي اثناء وقت امتحانات الفاينل وشغلي هم كلهن مع بعض..يخليك فعلاً تحس بقيمة الوقت وقيمة الدقائق الي تضيع  منك على امور تافهة او بدون فائدة (مع الاسف احنا كعراقيين هواي نعاني من هالجانب صراحة اكثرنا ميهتم للوقت ويفكر ويحسب حساب لهلشي) 

الحمد لله كملت كورسي بتصميم وتطوير المواقع الألكترونية اشوفكم صور لموقع صممته

وهنا فيديو اوضح اكيد

 عانيت اكيد صراحة بسبب الامتحانات والوضع بس الحمد لله اكَدر اكَول  وصلت للمستوى المطلوب بالاضافة انعرض عليه عمل بوكالة.. بنفس الوقت الي اشتغل بي على الكورس .. كلش حاب هالشي حاب انو اكمل طريقي وعملي بهالمجال والي هو كان هوايتي وواهسي من البداية.

ــــــــــــــــــــــــــــــــــــــــــــ...

اتمنى من الكل يشارك بهيج تحيديات ويطور من نفسه اكثر وبالنهاية هو المستفاد..

تحية حب وشكر لمرتضى التميمي الي ساهم وبدا بهيج مبادرة عظيمة يااارب كل التوفيق للي شاركوا وكل التوفيق للي راح يشاركون بمثل هالتحدي وأكيد كل التوفيق لكادر التحدي خلف الكواليس وشكري لفريق التحدي مع حفظ الاسماء والالقاب💝

يارب اشوفكم باعلى المراتب

مصطفى الكعبي

تحدي الــ29 يوم | #29dayschallanege

وأخيراً الــ20ــيوم من التحدي 🙌💥

مرحباً ايها الكون العظيم.. أكيد شتاقيتولي من قبل عشر ايام 

وأخيراً وصلت وياكم لليوم 20 من هذا التحدي العظيم بعد تعب ومعاناة وسهر.. مابقى غير تــ9ـسع ايام بس!!

 كل يوم ساعتين اخلصهم متواصلة شغل على تصميم وتطوير  المواقع.. والي هو هدفي حالياً وعملي مستقبلاً.

بالــ10ـعشر ايام الاخيرة بديت اصمم اول مشروع الي (موقع لمطعم فوودلاند النجف | FOOD LAND NAJAF) حالياً كملت جزء كبير من الموقع بقت بس بعض الاضافات بالبدي والفوتر ويكمل بعون الله.

طبعاً كان الفضل الكبير بالتقدم يرجع اليه بالدرجة الاولى😜 ولقناة computer mind &  W3SCHOOLS , كلش هوااايه ساعدوني بالهيكلة وتصميم ستايلات الموقع.. طبعاً اكيد كلشي مرتب حسب الوان وميزات المطعم الاصلي نفسه (اشوفكم هذا الجزء الي كملته لحد الان بالفيديو)

كنت مخلي خطة وقت وجهد معينين حاولت اتبعهم قدر الامكان بس اخر عشر ايام مكَدرت صراحة  بسبب امتحانات الفاينل الي اخذت كل الوقت مني تقريباً, مجنت راضي على هالوضع صراحة لان مجنت مخططله بهالمستوى... بس ان شاء الله ارجع اكمل واوصل للمستوى الي اريده.

لحد الآن التحدي ممتع وروعة صراحة هواي استفاديت من الشباب الي وياي بكََروب التحدي كلش متعاونين ونستفاد من خبرات ومهارات بعضنا البعض, شعور كلش حلو لمن نستفاد من بعضنا ونشوف بعضنا نتقدم ونطور مهاراتنا.

احلى شي بهالتحدي المشاركة والاعصاب من قريب ليكمل الوقت.

هو موبكيفي من تتغير الخطة بس النشاط والطريقة بكيفي,, الخطة دتغيير حسب الوقت الي ديضايقني بس مسيطر نوعاً ما وان شاء الله اكًدر احقق هدفي بهالوقت واكمل واتعلم اكثر حتى اذا تغيرت الخطط والطرق!

كان بالخطة انو اكمل اكثر من 70% من الموقع لليوم بس بسبب الفاينل جانت التقديرات اقل بنسبة معينة.

ممتن جداً لفريق التحدي 
وممتن للشباب المشاركين وياي بكَروب التحدي على مساهماتهم ودعمهم, 

وممتن لنفسي على تقدمي وانجازي😅

Mustafa Al-Ka'bi 

للتواصل معي:
Instagram    

تحدي 29 يوم - اليوم العاشر💪

 مرحباً_شلونكم يابه😁..

مثل ماعودتكم بكل فترة منشور جديد عن مراحل تقدمي بهذا التحدي كل يوم ساعتين بكورس تصميم وتطوير الصفحات الالكترونية (لتتفاجؤون هالمرة حبيت اغير واكتب بالعربي ,الجلفي😅).

والي كان هدفي من البداية بهذا التحدي انو اطور مهاراتي بمجال برمجة وتطوير الصفحات والمواقع الالكترونية.

بداية كل الشكر لمرتضى التميمي على هذي المبادرة الحلوة, يارب يوفقه اكثر ويجازي على هالاهتمام بالشباب العربي.

وأخيراً كَدرت اكمل كورس HTML وابلش بكورس CSS -حالياً وصلت نصف الكورس تقريباً- حتى ابلش بكورس JavaScript. اعتمدت على W3School واكيد كورس من قناة Computer mind بالتطوير والتصميم.

شوفو الفيديو جوا👇🏼

ماحجيلكم على التعب بالاخص انو فترة امتحانات فاينل ومرحلة اخيرة اليه بالكلية, بس اكيد بالنهاية  ثمرة وفرحة التحدي نستحق. تعلمت بهذا التحدي الدقة وشلون استغل الوقت كل دقيقة بدقيقتها صعود وهبوط الادرنالين كلما اباوع للساعة لأن امتحانات الفاينل ذابحتني😂.

 كان الوقت نوعاً ما مناسب والخطة الي خليتها للتحدي هم كلش مناسبة مع الوقت(تحتاج شوي تعديل بس). ابد مكنت متوقع انو راح اتقدم بهالسرعة وراح اكَدر اضبط بوقت قصير لغتين برمجة مهمات جداً بالانترنيت  كان ببالي بداية التحدي انو راح اواجه صعوبات بس الحمد لله طلعت سلامات😁. ويبقى الاول والاخير هو رضى نفسي على نفسي وتقدمي امام هالكم الهائل من المعلومات بالعالم المعاصر. 

بعون الله راح اكَدر اكمل واحقق هدفي من هالتحدي واوصل للي كنت اريده بتصميم وتطوير الصفحات الالكترونية حتى استخدم مهارتي بعملي وخطة وضعتها للمستقبل  وان شاء الله اعبر واتقدم اكثر من الي رسمتله بداية التحدي.

الخطة....الخطة...الخطة اهم شي بهيج تحديات وقتية وتعلم مهارة جديدة بوقت قصير قياسي يحتاج خطة مدروسة على ادق تفاصيل واني الحمد لله الخطة مالتي  زينه نوعاً ما تحتاج بعض التعديلات وتعديلاتي عليها انو بس التزم بيها وازيد من نشاطي وقوتي واحاول افرغ نفسي اكثر واكثر واطبقها بحذافيرها بدون ملل او كلل.

وبالنهاية....

اكيد ممتن لنفسي ومهاراتي وقابليتي على التعلم,
 وممتن للي يدعموني من زملائي زميلاتي بالتحدي

وممتن منك مرتضى التميمي على فعالياتك الرائعة.

Mustafa Al-Ka'bi 

للتواصل معي:
Instagram    

29days Challenge - 6th day

 Hellooo guys 😍,

After five days in our great #29days_Challenge, I needed to share you my progressive in the challenge.

And Yes!!
I completed an HTML course in such a short period of time, now I should start CSS course after short time to be able for entering JAVASCRIPT course.

Really Thank you for your supporting 💞


Mustafa Al-Ka'bi 

 Hi all,

I'm Mustafa Al-Ka'bi, from Najaf, Iraq. It's so good to share you with my 29days challenge.
I'm working on Websites Design. Today is first day at this Challenge.
I chose this is it to develop my skill because I'm so intersted in programming & websites desings from old time and I want  contributes to the development of the Arab specially Iraqi workers and I hope arrive to professional level I've previous experience in this things.. I'm used visual basic language to create some programs; as well as (Photo viewers, music play and calculater) in the past time, but I was not very well. after that i'm  took HTML, CSS and JAVASCRIPT languages to design and editing Websites and bloggers.

There are a lot of ways to beginning and make your name in the word.

My plan as follow:

The first step which I applied in this great Challenge is get my time on this skill, more focus and more seriously.

Second one take some quickly courses to improved my skill "Websirtes designn" .

Thierd is to use some applications and websites to improvement as same as TrebEdit app. and Awwwards.

Mustafa Al-Ka'bi 

Contact me on Instagram: @21o_0

So Ifound my self  very very good by this work. Bless me :)